Osterøy kommune ligg på Osterøy, Nordeuropas største innlandsøy som er 324 km2. Kommunen vart til ved kommunesamanslåinga i 1964 då delar av dei tidlegare kommunane Hamre, Haus, Hosanger og Vaksdal vart slegne saman til Osterøy kommune.

I kommunen blomstrar ein allsidig og livskraftig småindustri innan mekanisk, møbel, garveri, tekstil og næringsmiddelindustri. Fiskeoppdrett/-foredling er og ei viktig næring. Landbruk sysselset omlag 300 personar og tømraryrket står framleise høgt i kurs på Osterøy.